YANGILIKLAR
Edward’s East Strategies 2024-yil 15-noyabrdan 15-dekabrgacha Qozog‘iston, O‘zbekiston, Qirg‘iziston va Belarusda tartibga soluvchi tashabbuslar va kadrlar o‘zgarishining oylik monitoringini tayyorladi.
Qozog‘istonda ko‘rib chiqilayotgan davrda Rossiya Federatsiyasi bilan bir qator sheriklik shartnomalari qabul qilindi, Eron va Singapur bilan erkin savdo shartnomalari ratifikatsiya qilindi. Xususan, Rossiya va Qozog‘iston o‘rtasida 2024–2026 yillarga mo‘ljallangan Mintaqalararo va transchegaraviy hamkorlik dasturi tasdiqlandi va ikki davlat rahbarlari yangi global tartib sharoitida strategik sheriklikni chuqurlashtirish bo‘yicha qo‘shma bayonot e’lon qildi. Bundan tashqari, tartibga solish ta’sirini tahlil qilish uchun yengil sanoat tovarlariga majburiy markirovkalash va kuzatuv tizimini joriy etish loyihasi e’lon qilindi. Ekologik qonunchilik sohasida 2024–2030 yillarga mo‘ljallangan Qozog‘iston Respublikasining “yashil iqtisodiyot”ga o‘tish konsepsiyasini amalga oshirish bo‘yicha chora-tadbirlar rejasi tasdiqlandi.
O‘zbekistonda o‘tgan parlament saylovlaridan so‘ng Vazirlar Mahkamasi tarkibi tasdiqlandi va mamlakatning JSTga a’zo bo‘lishi bilan bog‘liq o‘zgartirishlar qabul qilindi. Bundan tashqari, bojxona to‘lovlarini to‘lash bo‘yicha qonun hujjatlariga o‘zgartirishlar kiritildi, “Yashil” iqtisodiyotga o‘tishda ochiqlik konsepsiyasi tasdiqlandi va “Temir yo‘l transporti to‘g‘risida”gi qonunning yangi tahriri qabul qilindi.
Qirg‘izistonda yuqori texnologiyali sohalarda ishlaydigan chet el fuqarolari uchun “Raqamli ko‘chmanchi” maqomini belgilovchi qonun e’lon qilindi. Shuningdek yuqori texnologiyalar parklari uchun soliqlar va sug‘urta badallari bo‘yicha imtiyozlarning cheksiz amal qilishini belgilovchi qonun imzolandi. Bundan tashqari, elektron tijorat tovarlari bilan bog‘liq masalalarni hal etish va bojxona tartib-taomillarini soddalashtirishga qaratilgan me’yoriy hujjatlar ishlab chiqildi. Kadrlar o‘zgarishiga kelsak, Oqilbek Japarov Vazirlar Mahkamasi va Prezident Administratsiyasi rahbari lavozimini tark etdi. Uning lavozimini vaqtincha Adilbek Qosimaliev egallaydi.
Belorusda ko’rib chiqilayotgan davrda fuqarolik qonunchiligi sezilarli o’zgarishlarga duch keldi. Fuqarolik kodeksiga fuqarolik javobgarligi instituti va shartnomalar bo’yicha umumiy qoidalarni takomillashtirishga qaratilgan o’zgartishlar kuchga kirdi. Bundan tashqari, ko’chmas mulkni ro’yxatdan o’tkazish qoidalari o’zgartirildi, davlat ro’yxatidan o’tkazilganligi to’g’risidagi dalolatnoma amalda mulk huquqi va boshqa mulkiy huquqlar uchun yagona asos bo’ladi; Xorijiy kompaniyalarning filiallarini ochish tartibi ham belgilandi (ilgari kompaniyalar mamlakatda faqat alohida yuridik shaxs ochish orqali biznesni yuritishlari mumkin edi). Muhim me’yoriy o’zgarishlar farmatsevtika sanoatiga ta’sir qilishi mumkin – nashr etilgan tibbiyot qonunchiligini kodifikatsiyalash loyihasi dori vositalarining aylanishi va ishlab chiqarilishi bilan bog’liq fundamental yangiliklarni o`z ichiga oladi.
Ko’rib chiqishlarda, shuningdek, biznesni qiziqtirgan boshqa normativ-huquqiy hujjatlar ham taqdim etiladi.