ЖАҢАЛЫҚТАР

23 ақпанда 2023 Орталық Азиядағы Германия экономикасы өкілдігінің кеңсесінде GR&Lobbying саласында саясаттану ғылымдарының кандидаты, Edward’s East Strategies директоры Эдуард Войтенконың авторлық мастер-курсы өтті.

Курс аясында спикер келесі тақырыптарды талдады:

– Еуропа мен Солтүстік Америка елдеріндегі лоббистік қызметті реттеу.
– Қазақстандағы GR және лоббизм. Саяси кезектегі мәселелердің лоббистік қызметке әсері.
– Бизнес пен билік арасындағы байланыс. Стейкхолдерлермен қарым-қатынасқа GR тәсілінің негізгі ерекшеліктері.
– Билік органдарымен жұмыс істеу принциптері, GR-технологиялары мен құралдары.
– Билік органдарында мүдделерді ілгерілету стратегиясы мен тактикасына әсер ететін ақпаратты талдау. Стейкхолдер карталарын жасау.
– Компанияның корпоративтік стратегиясының құрамдас бөлігі ретіндегі GR стратегиясы. Құжатты әзірлеудің құрылымы мен ерекшеліктері.
– Бизнесті ілгерілету мен қорғауға арналған GR платформасы ретіндегі іскерлік және салалық бірлестіктер, қоғамдық институттар және квази секторы.
– GR және лоббистік қызметтегі сараптамалық ұйымдардың рөлі.
– GR және лоббистік жобаларды жүзеге асырудағы PR құралдары.
– GR және лоббистік жоба: құру алгоритмінен іске асыру технологиясына дейін (істерді талдау).

Тыңдаушылар арасында Bosch, PERI, AHK Zentralasien, Eurasia Group, Rödl & Partner Central Asia, WILO Central Asia және басқа да ұйымдардың өкілдері қатысты.

Іс-шара соңында мастер-курс қатысушылары Edward’s East Strategies және ОА-дағы Германия экономикасы өкілдігінің сертификаттарын алды.